قصة بنت كانت تطالع
واحد بعين قويه
المهم الرجال طلع شاعر
وما قصر فيها كم بيت عشان تتأدب
لكن المفاجأه هي ؟؟؟؟
وش صار؟؟
تابع القصيدة
يقول:
كل شبر بهالوسيعـه ملـك ربـي تعلميـن
وأعلم إن اللي خلقني هو خلق لـك هالعيـون
لكن انتي من جلستي وانتـي فينـي تحدقيـن
كن ما به ناس غيري بهالكراسـي يجلسـون
لو سمحتي عاد أسمعي وحتى لو ما تسمحيـن
المهـم اللـي بقولـه تسمعينـه و يسمعـون
ع الأقل ليا نظرتك سـوي روحـك تستحيـن
غضي طرفك مثل غيرك خوف ربعي يلمحون
الركادة عاد زينة والحياء فـي البنـت زيـن
وفيـك جآزم لا ركـادة ولا حيـاءٍ يـذكـرون
تعرفيني؟!اعرفك؟!ماأذكر إنا ملتقين
لاأعرفك من تكوني ولاتعرفي مين اكون
وإطمأني إن كان قصدك بس فيني تشبهين
ماهو أنا إلي تعرفيه والبشر يتشابهون
مادريتي من التشابه يخلق الله اربعين
وأعرف اربعه يشبهنك بس ولله يستحون
وإن كان قصدك شي ثاني عاد قولي وش تبين
خايف إنا نصير فرجه وإللي ماشتروا يتفرجون
وإذا بالك عاجبتني لايوحشك تحلمين
صح ربعي من جمالك فيك صار يمدحون
بس وش لي في حلاتك دام فيها ترخصين
حشمة البنت وحياها والكرامه يلفتون
ولو توفر فيك هاذا مع حلاتك تبشرين
ماهو أنا ألف غيري باب بيتك يطرقون
وش علامك رغم كل اللي اقوله وتسكتين
مو طبيعي هالسكوت وهالبرود وهالسكون
إنتي خرسا أسألك ولا منتي تسمعين ؟؟
قالوا ربعي ذي كفيفه قلت لآلآ تمزحون
لين شفتك يوم رحتي يمسكونك باليدين
مادريت إلا عيوني أربع أربع يذرفون
اه ياني من مشهد يوم شفتك ترحلين
جيت اشوف عيون ربعي لقيت الكل يدمعون
يالكفيفه يالعفيفه ان قلت اسف تقبلين ؟؟
يغفر الله ذنوب عبده ليا خطا وهل تغفرون ؟؟؟؟
اتمـــــــــــــ ان ينال اعجابكم ـــــــــــنى
موضوع: قصة بنت كانت تطالع 
الخميس أكتوبر 22, 2009 6:08 am